வாசலில் வைத்து
வழியனுப்பி வைக்கும் பிரிவைப்போல
நிச்சயம் மறந்தேயாக வேண்டுமென்று
மனம் விரும்பும்
நினைவுகளைக் கடந்துசெல்ல
முடியவில்லை !......
பழகிப்போன உறவென்றாலும்
சுயநினைவு தவறும் நாளொன்றில்
தலை கோதிவிட தயங்கும்
பயங்கொண்ட மனதைப்போல
வரும் தைரியத்தையும்
இழுத்துப் போர்த்திவிடுகிறது
வாசலோடு விட்டுப்போன
கசப்பான அனுபவங்கள் !......
இருந்தபோதும் விடைபெறும்
இறுதி நாளன்று
என் நாடி நரம்பெல்லாம்
ஊறிக்கிடக்கும் குருதிகளையெல்லாம்
உறிஞ்சி எடுத்துவிடுகிறது பதியப்படாத
நாட்குறிப்பில் ஏறியிருக்கும் உன் புன்னகை !